Bizneset ripaguajnë certifikatën elektronike: 4 mijë lekë kosto për subjektet që u skadon, duhet të aplikojnë sërish

Bizneset tё cilёt prej 1 Janarit 2021 kanё nisur tё lёshojnё faturё në formë elektronike nё kuadёr tё procesit tё Fiskalizimit, duhet tё marrin masat pёr tё nisur procedurat e riaplikimit pёr certifikatёn elektronike. Apeli është bërë nga Drjetoria e Përgjithshme e Tartimeve, për tatimpaguest qё iu skadon afati i vlefshmёrisё sё certifikatёs elektronike, të cilët kanë detyrim për riaplikim.

Administrata Tatimore kujton se ky dokument ka njё vlefshmёri 1 vjeçare, me njё kosto prej 4000 lekёsh dhe është një nga elementët e domosdoshëm pёr Fiskalizimin. Ajo është e lidhur në mënyrë unike me biznesin si entitet. Tattimet sqarojnë se mёnyra e riaplikimit ёshtё e njёjtё me atё qё është vepruar edhe herёn e parё. Aplikimi bëhet online tek Agjencia Kombëtare e Shoqërisë së Informacionit (AKSHI) nëpërmjet portalit e-Albania, duke njdekur të gjithë hapat e përcaktuara.

Sipas të dhënave nga administrate tatimore, numri i tatimpaguesve të Fiskalizuar që kanë lëshuar fatura në total nga 1 Janari e deri në Nëntor është rreth 50 mijë. Ndërkohë, subjektet kanë afat deri në fund të Dhjetorit për të përmbyllur të gjithë procesin e Fiskalizimit. Edhe tatimpaguesit që ende nuk kanë nisur fiskalizimin, kanë si detyrim  të aplikojnë fillimisht për marrjen e certifikatës elektronike.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.