Bizneset, të “dobëta” përpara fiskalizimit – Shkodra: Aplikimi të shtyhet deri në 2021-shin
Fiskalizimi i transaksioneve mes biznesit dhe konsumatorëve, që parashikohet të zbatohet nga data 1 Janar 2020, mund t’i gjejë të papërgatitur bizneset dhe kryesisht ato të mesme dhe të vogla, për shkak të mungesës së kulturës financiare dhe njohurisë me teknologjitë e reja.
Në një intervistë për TV SCAN, sekretari i përgjithshëm i Shoqatës “Bashkimi i Prodhuesve Shqiptarë”, Arben Shkodra, shprehet se ndonëse mbështetet si iniciative duke e parë si mekanizëm për të luftuar informalitetin, konsultimet me biznesin janë të vonuara dhe se koha e aplikimit është e pamjaftueshme.
Ndërkaq, prodhuesit kanë edhe disa sugjerime të tjera për Ministrinë e Financave dhe Ekonomisë në mënyrë që kjo iniciativë të jetë funksionale.
Ministria e Financave dhe Ekonomisë prej disa ditësh ka nisur konsultimet me grupet e interesit për projektin e fiskalizimit, ku ka parashikuar që për bizneset me xhiro vjetore deri në 2 milionë lekë, kostot ti mbulojë buxheti i shtetit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.