Biznesi i vogël në TVSH, Konfidustria mbështet nismën: Taksa pjesë e një pakete të plotë masash, jo akt i veçuar
Nismën e qeverisë për shtrirjen e TVSH-së në biznesin e vogël e mbështet edhe Konfidustria, me argumentin se kjo shtrirje është e domosdoshme për formalizimin e gjithë ekonomisë, sidomos në Shqipëri ku shkalla e informalitetit arrin pothuaj 50% të PBB.
Konfindustria ka kërkuar në mënyrë te vazhdueshme shtrirjen e TVSH ne te gjitha hallkat e transaksioneve te biznesit, përfshi edhe Paketën Fiskale 2017, duke e vlerësuar si një hap i duhur, qe ne qofte se do te zbatohet me sukses do te ketë vlera afatgjata për ekonominë kombëtare dhe mirëqenien e qytetareve shqiptare.
Sipas Konfidustrisë shtrirja e TVSH-së duhet të jetë pjesë e një pakete të plotë masash shoqëruese, jo akt i veçuar, pasi në të kundërt do rrezikojë suksesin e kësaj nisme.
Te rrezikuara drejtpërdrejt do te jene sidomos industritë dhe prodhimi vendor, kryesisht qe prodhon për tregun e brendshëm, mund te ketë favorizim te monopoleve dhe karteleve, sidomos te huaja, .
Gjithashtu, duhet te parashikohen masa për lehtësimin e ri përshtatjes ne kushtet e reja te një mase te madhe prej mbi 70 mijë biznesesh “te vogla”, qe në mënyrë te tërthorte mbështeten nga informaliteti i sotëm masiv.
Në të kundërt pasojat e pashmangshme janë mbyllje masive biznesi, papunësi, probleme sociale, etj.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.