Bizneset e mbyllura, Rama jep njoftimin: “Përveç pagës së luftës po mendojmë një Paketë të Zgjeruar”
Kryeministri Rama nëpërmjet një postimi në Facebook ka treguar të dhënat e fundit mbi procesin e aplikimit për Pagën e Luftës, që do të dëmshpërblejë bizneset e vogla të mbyllura gjatë krizës së koronavirusit.
Sipas kryeministrit kanë aplikuar mbi 34,600 biznese, ndërsa vetëm sot kanë përfituar 5,600 prej tyre. Gjithashtu ai është shprehur se qeveria po mendon dhe për sektorët e tjerë të goditur të ekonomisë në një ‘Paketë të Zgjeruar’.
Njoftimi
🔴 INFORMACIONI I DITËS SË SOTME PËR PAGAT E LUFTËS PËR BIZNESIN E VOGËL QË KA MBYLLUR AKTIVITETIN
🟢9,506 punonjës e të vetëpunësuar dhe mbi 5,600 biznese kanë përfituar sot, Pagën e Luftës të ofruar si mbështetje e drejtpërdrejtë nga qeveria.
🟢 Mbi 36,400 biznese të fashës 0-14 mln (140.000USD) xhiro në vit, me mbi 61 mijë të punësuar e vetëpunësuar, kanë dorëzuar aplikimet pranë Drejtorisë së Përgjithshme të Tatimeve për të marrë Pagën e Luftës.
🟢 Ndërkohë, për të gjithë të punësuarit e pamundësuar për punë nga lufta në sektorë të tjerë të rëndësishëm të ekonomisë, qeveria po vlerëson mundësitë për të adresuar hallin e tyre në Paketën e Zgjeruar.
🟢 Çdo vend pune është jetik për ata që e kanë dhe për familjen tonë të madhe. Ndaj së bashku me çdo kompani e punëdhënës, por edhe në reflektim të solidaritetit e përgjegjshmërisë së tyre sociale, ne do të bëjmë çmos ta mbajmë aktive këtë armatë punonjësish, që nesër do të jenë në vijën e parë të betejës për shërimin e ekonomisë sonë të plagosur nga lufta🤝
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.