Bjellorusi: Lukashenko shfaqet i armatosur para mijëra protestuesve që kërkojnë dorëheqjen e tij
Presidenti autoritar i Bjellorusisë bëri një shfaqje dramatike të mospërfilljes të Dielën kundër protestave masive që kërkuan dorëheqjen e tij, duke mbajtur një pushkë dhe një jelek antipumb ndërsa zbriti nga një helikopter që zbarkoi në rezidencën e tij ndërsa demonstruesit vazhdonin të rriteshin ndjeshëm në numër.
Rreth 200,000 protestues pro-demokracisë u kthyen në rrugët e Minsk të Dielën për të kërkuar dorëheqjen e Alexander Lukashenko në valën e fundit të demonstratave kundër rizgjedhjes së tij të diskutueshme dy javë më parë.
Të mbështetur në flamuj të kuq e të bardhë, mbështetësit e opozitës u mblodhën në Sheshin e Pavarësisë, ndërsa policia e shtetit ishte në gatishmëri nën urdhrat e liderit autokratik.
Zyrtarët lëshuan një paralajmërim për Bjellorusët kundër pjesëmarrjes në “demonstrata të paligjshme”.
Video nga agjencia shtetërore e lajmeve Belta tregoi një helikopter qeveritar që po zbarkonte në pallatin presidencial dhe Lukashenko po dilte duke mbajtur atë që dukej se ishte një pushkë automatike e tipit kallashnikov. Asnjë imazh municioni nuk ishte i dukshëm në armë, duke sugjeruar që Lukashenko, i cili kultivon një imazh autoritar, synonte vetëm të bënte një shfaqje agresive tek demostruesit.
Protestuesit mbajtën një moment heshtjeje për 4 viktimat e protestave të fundit por autoritetet përdorën altoparlantë gjatë këtij momenti për të njoftuar: “Demonstrimi është i paligjshëm. Shkoni në shtëpi”.
Udhëheqësi i opozitës Maria Kolesnikova u tha protestuesve që të shmangin policinë.
“Ne jemi paqësorë. Kjo është arsyeja pse ne po shkojmë në anën tjetër (larg policisë)”, tha ajo për Euronews.
E pyetur nëse demonstratat do të ndryshonin në Bjellorusi, ajo u përgjigj se “tashmë ka pasur shumë ndryshime”.
Në mendjen e protestuesve dhe opinionit publik kanë mbetur imazhet e forta dhe skenat e dhunës nga protestat e fundjavës së kaluar, ku mijëra u arrestuan dhe u plagosën në përleshjet me policinë.
Grupet për të drejtat e njeriut kanë shprehur shqetësim edhe për pretendimet se qindra të tjerë u rrahën ose u plagosën në burg.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.