Blancho dhe Xavier dy miq të pandashëm – Ja çfarë e bën të veçantë marrëdhënien e tyre
Xavier Bouget, 80 vjeç nga Franca , ka marrë vëmendjen e rrjetit pasi ka zgjedhur një mik disi të veçantë për udhëtimet e tij.
Teksa 80 vjeçari po dilte nga shtëpia e tij pa një pëllumb të vogël të bardhë që kishte rënë në tokë dhe po përpiqej ti shpëtonte sulmit të një maceje, pas ngurrimit nga gruaja e tij Bouget u kthye për ta marrë pëllumbin dhe prej asaj dite janë bërë miq të pandashëm.
Shumë njerëz habiten se si është e mundur trajnimi dhe stërvitja e një zogu, por e vetmja përgjigje që marrin nga 80 vjeçari është se ky është thjesht respekt reciprok dhe se nuk ka asnjë mënyrë teorike që ai ka përdorur për të mësuar pëllumbin e quajtur Blancho.
“Çdo njeri mund të ndërtojë një marrëdhënie me një kafshë, nëse respektojmë kafshën për atë që është, ajo është një krijesë e gjallë që ndan Tokën me ne. Thjesht duhet të jesh i durueshëm, për të kuptuar se si jetojnë dhe përshtaten me jetën e tyre, sepse ata do të përshtaten me të tënden.”, ka thënë ai.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.