Blerjet për sezonin e pushimeve. Shënon një rekord të ri në SHBA, pavarësisht ditëve të reduktuara
Blerësit amerikanë kanë shpenzuar më shumë për pazar gjatë sezonit të pushimeve të këtij viti, sipas raportit të Mastercard, ndërkohë që shitjet në rrjet shënuan një nivel rekord të ri.
Sezoni i blerjeve të fundvitit është një peridhë tejet e rëndësishme për shitësit me pakicë dhe mund të arrijë në 40% të shitjeve vjetore.
Megjithatë këtë vit, dita e Falenderimeve nisi më 28 Nëntor, thuajse 1 javë më vonë krahasuar me vitin e kaluar, duke i lënë shitësve 6 ditë më pak mes kësaj date dhe Krishtlindjeve.
Shitjet në rrjet këtë vit arritën në 14.6% të totalit dhe patën rritje me 19% nga viti i kaluar, sipas Mastercard, që mori në studim të dhënat nga 1 Nëntori e deri për Krishtlindje. Në total, shitjet për sezonin , përjashtuar makinat, u rritën me 3.4%.
Shitësit kanë investuar ndjeshëm që të ofrojnë dërgesa brenda ditës, magazina për të ruajtur porositë që merren në dyqan dhe për të përmirësuar prezencën ndërkohë që luftojnë me gjigantë si Amazon për pjesë tregu.
“Shitjet me pakicë për sezonin e pushimeve të vitit 2019 u rritën me 3.4% nga viti i kaluar, që është numri më i madh në histori. Përgëzime!”, shkroi presidenti Donald Trump në Twitter.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.