“Bllokohet” një tjetër pikë kufitare, shkak punimet që po kryhen. Policia: Shmangni kalimin, do të ndërpritet herë pas here qarkullimi
Policia e Kosovës, përmes një njoftimi iu kërkon qytetarëve që të shmangin kalimin në pikën kufitare në Merdare për shkak të punimeve që po kryhen.
“Policia e Kosovës vazhdon të informojë të gjithë qytetarët e Republikës së Kosovës, e në veçanti ata të cilët shfrytëzojnë për kalim pikën kufitare në Merdare që lidh Republikën e Kosovës me Serbinë, lidhur me punimet që janë duke u kryer. Në Pikën e Kalimit të Kufirit në Merdare, nga data 01 deri 15 nëntor 2017, vazhdon të ketë kohë pas kohe ndërprerje të qarkullimit për shkak të punimeve dhe mund të krijohen pritje më të gjata se pritjet normale të kalimit kufitar”, thuhet në njoftim.
Për shmangien e pritjeve të mundshme, Policia e Kosovës informon qytetarët që gjatë kësaj periudhe të shfrytëzohen pikat e tjera të kalimit kufitar me Serbinë.
Policia e Kosovës edhe më parë ka njoftuar qytetarët lidhur me punimet që po zhvillohen në atë pikë kontrolli kufitar dhe me rrjedhën e qarkullimit në hyrje dhe dalje, duke pas parasysh përqendrimin e qytetarëve dhe automjeteve në këtë pikë kufitare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.