Blogerja që fiton 100 mijë dollarë në muaj vetëm duke udhëtuar
Pasi mori dy diploma universitare dhe një Master në Financë, Michelle Schroeder Gardner kishte për të paguar 38,000 dollarë të kredisë studentore.
Ajo arriti ta paguajë këtë shumë në vetëm 7 muaj, në sajë të një strategjie kryesore. Ajo zhvendosi fokusin e saj drejt fitimit.
Michelle filloi blogun e saj, “Making Sense of Cents”, në vitin 2011 kur ajo ishte ende në shkollë, por kurrë nuk kishte për qëllim të fitonte para prej tij, tha ajo.
“E kam trajtuar më shumë si një ditar”, shprehet 28 vjeçarja.
“Kjo ishte vetëm një mënyrë për të ndjekur progresin tim financiar në mënyrë që të mund të paguaja kreditë e mia stududentore dhe të mos prisja te merrja rrogën për të blerë ato që më duheshin.
“U deshën rreth gjashtë muaj për të bërë 100 dollarët e parë nga bloggu”, shprehet ajo, por sapo kuptova që mund të bëja para, blogu u rrit shumë shpejt.
Ajo e ndërtoi blogun gjatë kohës së saj të lirë: “Çdo kohë shtesë që kisha do të shkonte drejt rritjes së blogut tim.
“Zgjohesha herët në mëngjes, qëndroja deri natën vonë, përdorja orarin e pushimit në punë ,si dhe të gjitha ditët e mia të pushimeve për t’u përqendruar në blogun tim “.
Koha dhe përpjekja e saj u paguan. Deri në vitin 2013, ajo po çonte në shtëpi një shtesë prej 10,000 dollarë në muaj nga blogu i saj. Të ardhurat ekstra jo vetëm që e lejuan atë të paguante kreditë e saj, por edhe të linte punën e saj si analiste financiare.
Schroeder Gardner është bërë një blogere me kohë të plotë që nga tetori i vitit 2013, kur ajo la punën e saj si analiste financiare.
Nuk ka rëndësi nëse ju po mendoni për mënyra se si të lani borxhet tuaja apo po kërkoni pavarësinë financiare, e rëndësishme është të përqendroheni te fitimi.
Me gjithë suksesin e saj financiar, ajo dhe burri i saj Wes, i cili gjithashtu e la punën në vitin 2013, jetojnë në mënyrë modeste.
“Ne kursejmë dhe investojmë më shumë se 85 për qind të asaj që fitojmë çdo muaj”, thotë ajo për CNBC.
Ana nuk kanë asnjë peng. Ata shitën shtëpinë e tyre në Misuri në 2015 dhe tani udhëtojnë nëpër Amerikën e Veriut gjatë të gjithë kohës.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.