BOE dhe BQE paralajmërojnë: Bankat nuk janë të përgatitura sa duhet për Brexit

Banka Qendrore Europiane dhe ajo e Anglisë paralajmëruan bankat se, planet e tyre përgatitore për procesin e Brexit janë të pamjaftueshme.

Britania do të dalë nga Bashkimi Europian në Mars të vitit 2019, duke detyruar bankat që të nisin një proces të gjatë ristrukturimi.

Pjesa dërrmuese e bankave sot, nuk janë aty ku duhet të ishin me këto plane përgatitore, deklarojnë zyrtarë të lartë të të dy institucioneve qendrore monetare.

Banka e Anglisë nga ana e saj, i ka dhënë bankave të huaja dhe atyre britanike që operojnë në vend një afat deri më 14 Korrik për të paraqitur një plan sesi do të veprojnë në rast se, mes Britanisë dhe Brukselit nuk do të ketë një marrëveshje për tregtinë e lirë.

Shërbimet financiare janë një ndër pjesëzat kryesore të tregtisë mes dy vendeve, dhe duke qenë se Londra është kryeqyteti i financave jo vetëm në Europë, pro edhe në botë, ky proces do të jetë edhe më i vështirë.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.