Boiken Abazi në ‘Argument’ për zgjedhjet evropiane: “Pritet të rritet numri i radikalëve të djathtë, mund të prishen raportet brenda BE-së.”
Gjatë mbrëmjes të së enjtes, në ‘Argument’, është folur mbi zgjedhjet për Parlamentin Evropian, që zhvillohen me date 26 Maj.
Bojken Abazi, kryetari ekzekutiv i ‘Lëvizjes Vetëvendosjes’ në Shqipëri, është shprehur se sipas sondazheve deputetët nga radikalizmi i djathtë pritet të dyfishohen në PE, megjithatë ata nuk do të kenë më shumë se 18% të parlamentit. Edhe pse një shifër e vogël, ajo mund të prishë raportet e krijuara deri më tani në BE, për shkak se deputetët e rinj mund të presionojnë më shumë për të kapur pozicione si Presidentin, Kryetarin e KE-së e të tjera.
Po sipas sondazheve, thotë Abazi, qytetarët e Evropës e përkrahin BE-në dhe e mbështesin vazhdimin e ekzistencës së saj, por janë të pakënaqur me drejtimin që ajo ka marrë. SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.