BOJ dështon – Inflacioni nuk do të arrijë objektivin as në tre vitet e ardhshme

As përgjatë tre viteve të ardhshme inflacioni në Japoni nuk do të prekë dot objektivin, pranë por më poshtë se 2%. Këtë projeksion pesimist e bën vetë Banka qendrore në vend. Ky është pranimi më i qartë i dështimit të mandatit të bordit. Ky këndvështrim i bankës pritet të shpaloset gjatë takimit të ardhshëm, në datat 30 dhe 31 Korrik.

Kjo do të thotë se, banka do të heqë dorë nga stimujt për të nxitur inflacionin duke u fokusuar më shumë te faktorët strukturorë, pra masa konkrete për të nxitur inflacionin në terma afat-gjatë, duke u ndërgjegjësuar se në terma afat-shkurtër nuk ka më asnjë shpëtim. Por nga ana tjetër, pranimi do të thotë se, banka nuk është aspak afër daljes nga programi i lehtësimit sasior në shkallë të gjerë.

Mendësia deflacioniste e Japonisë është ende aty, e pranishme si përherë gjatë viteve të fundit, dhe kura e haruhiko kurodas duket se nuk ka funksionuar aspak. Këtë vit inflacioni projektohet në vetëm 1.3%, dhe në 1.8% dy vitet e ardhshme.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.