Bolsonaro akuzohet për 9 krime gjatë Covid – Raporti i komisionit të Senatit përfshin dhe krime kundër njerëzimit
Një komision hetimor i Senatit në Brazil miratoi një raport që akuzon presidentin Jair Bolsonaro për 9 krime të lidhura me menaxhimin e pandemisë së koronavirusit, përfshirë krime kundër njerëzimit. Raporti, që është mbi 1,300 faqe i gjatë dhe i’u desh komisionit të kontrolluar nga opozita 6 muaj që ta përgatisë, përfshin gjithashtu 77 persona të tjerë dhe 2 kompani, tek krimet.
Një draft i publikuar javën e kaluar, akuzonte Bolsonaron për genocid dhe vrasje, por senatorët vendosën më vonë të hedhin poshtë këto akuza të veçanta, për shkak të disa arsyeve të përshkuara si teknike nga politikanët. Ndër personat e tjerë të shtuar tek lista për t’u akuzuar, janë Wilson Lima, guvernatori i shtetit të Amazonas, ku mungesa e furnizimeve me oksigjen në spitale shkaktoi vdekje nga asfiksimi më herët gjatë viti.
Qeveria e tij ndodhej nën hetim federal për korrupsion, në lidhje me blerjet e pajisjeve mjekësore. Megjithatë, nuk ka gjasa që Bolsonaro të përballet me akuza zyrtare, pasi këto do të duhet të ngrihen nga prokurori i përgjithshëm i Brazilit, të cilin e ka emëruar ai vetë. Presidenti e ka quajtur më parë hetimin e Senatit si një “shaka”. Megjithatë, raporti e cenon liderin e djathtë, ndërkohë që afrojnë zgjedhjet kombëtare. Popullariteti i tij është sfiduar për shkak të menaxhimit të pandemisë dhe inflacionit të lartë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.