Bonus për pensionistët dhe bebet – Stimulimi i lindshmërisë, anketa: 23% e grave s’duan më shumë se 1 fëmijë
Pensionistët do të marrin nga 50 USD shpërblim për festat e fundvitit. Vendimi është miratuar nga qeveria në mbledhjen e të mërkurës, ndërkohë që sikurse ishte paralajmëruar drita jeshile iu dha edhe bonusit të bebes, si një politikë e qeverisë për rritjen e lindshmërisë në vend. Për fëmijën e parë do të merret një bonus preh 400 USD, për të dytin 800 USD, ndërsa për të tretin 1200 USD .
Ai vjen në një kohë, kur shifrat zyrtare flasin për një uklje drastike të lindshmërisë. Ndërkohë që edhe një studim I fundit demografik dhe shëndetësor, I prezantuar po të mërkurën nxjerr në pah se dëshirën e ulët për të patur një fëmijë. Sipas tij, 23% e grave të martuara nga mosha 15-49 vjeç me 1 fëmijë nuk duan të kenë të tjerë, ndërkohë që këtë përgjigje e japin 76% e grave që tashmë kanë 2 fëmijë.
4 % e grave të intervistuara nuk duan të kenë fare fëmijë, ndërkohë që gjatë prezantimit të tij, ministrja e Shëndetësisë dhe Mbrojtjes Sociale, Ogerta Manastirliu tha se gjetjet e tij do të përdoren për financimin e shërbimit shëndetësor sipas nevojave.
Studimi Demografik dhe Shëndetësor përfshiu një kampion prej 16955 familjesh në 12 qarqet e vendit dhe u realizua përgjatë viteve 2017 dhe 2018 nga Ministria e Shëndetësisë, n ë bashkëpunim me Institutin e Statistikave dhe Institutin e Shëndetit Publik.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.