Bonusi i fundvitit, ministri i Financave Ahmetaj: 5 mijë lekë për çdo pensionist, pas disa ditësh e shpërndajmë!

Edhe këtë fundvit, me rastin e festave çdo pensionist do të marrë një shpërblim prej 5 mijë lekë. Kjo u bë e ditur nga ministri i Financave Arben Ahmetaj në daljen për mediat pas miratimit të buxhetit të vitit 2019 dhe paketës së re fiskale.

“Pas disa ditësh, ne shpërndajmë bonusin e pensionistëve. Çdo pensionist do të përfitojë 5 mijë lekë të reja në fundvit. Paketën e solidaritetit që nuk kishte ndodhur më parë, e kthyem në traditë” tha Ahmetaj.

Paketa e solidaritetit llogaritet rreth 3 miliardë lekë ndërsa numri i përfituesve mbi 600 mijë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.