“Bonusi për bebet”, nga 1 janari 2019 kalon nga i sheshtë në progresiv! Shpërblime 40-120 mijë lekë për çdo të lindur
Përballë statistikave që dëshmojnë një rënie drastike të lindshmërisë në Shqipëri, qeveria ka vendosur të ndërmarrë një politikë të re sociale “pro-lindshmërisë”. Në një dalje për mediat, kryeministri Edi Rama tha se duke nisur nga 1 janari i vitit 2019, për çdo fëmijë të lindur do të ketë bonuse të shumëfishuara në krahasim me tani e në varësi të numrit të fëmijëve.
“Nga 1 janari, fëmija i parë, çdo fëmijë i parë i një çifti do të marrë 8-fishin e kontributit bonusit pra 400 mijë lekë. Fëmijë i dytë, 16 fish të bonusit 800 mijë lekë dhe fëmija i tretë 24 fish 1 milion e 200 mijë lekë. Do të shkojnë për të gjithë fëmijët e porsalindur në Shqipëri” tha Rama.
Aktualisht bonusi për fëmijët e porsalindur është 5 mijë lekë.
Referuar të dhënave të INSTAT, vitet e fundit Shqipëria është në një krizë demografike. Gjatë tremujorit të dytë të vitit 2018, shtesa natyrore e popullsisë pasqyroi një rënie me 69.9% në krahasim me të njëjtën periudhë të një viti më parë.
Lexo edhe:http://www.scan-tv.com/bejeni-nje-femije-shpetoni-shqiperine/
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.