“Bonusi për lindjet” në Itali, 800 euro shpërblim edhe për nënat e huaja! Gjykata e Milanos pezullon vendimin e Institutit Kombëtar të Sigurimeve Shoqërore

800 euro do të jetë bonusi që do të shpërndahet për lindjet në Itali, ku përfituese do të jenë edhe nënat e huaja.

Ndonëse më parë dhënia e bonusit për gratë që jetonin në Itali dhe nuk kishin leje qëndrimi ishte i pezulluar me një vendim të Institutit Kombëtar i Sigurimeve Shoqërore, tashmë Gjykata Civile e Milanos vendosi që ky bonus të jepet për të gjitha nënat.

Konkretisht, Institutit Kombëtar i Sigurimeve Shoqërore (INPS) paraqiti kërkesën e parashikuar në një ligj të 2016, që të përfitonin nga bonusi vetëm ato nëna që kishin lejen e qëndrimit.

Ndërkohë së fundmi, Gjykata Civile në Milano vendosi të pranojë ankesën e shoqatave, të cilat ishin pro dhënies së bonusit edhe për nënat e huaja, duke kundërshtuar kështu vendimin e Institutit Kombëtar të Sigurimeve Shoqërore.

Gjyqtarja Silvia Ravazzoni deklaroi se “Në thelb nuk mund të jetë INPS, institucioni i cili mund të përjashtojë një kategorinë ose një tjetër, përfshirë edhe të huajt”.

Ndërkohë, avokati Alberto Guariso, i cili përfaqësonte shoqatat deklaroi se: “Ne besojmë se tani INPS duhet të përshtatet së shpejti me vendimin e gjykatës. Ndërkohë është e rëndësishme që të gjitha gratë e huaja, që janë të paktën shtatë muaj shtatzënë, më 31 dhjetor 2017, të bëjë një kërkesë në INPS në mënyrë që të përfitojnë nga vendimi Milanos.”

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.