“Boom-i” i eksporteve të mineraleve e lëndëve djegëse drejt Spanjës! Në 2017, rritja me shifër rekord. Rënie me Italinë e Greqinë
Eksporti i mineraleve drejt Spanjës vitit e kaluar ka shënuar një rritje të konsiderueshme duke arritur thuajse në një rritje trefish krahasuar me vitin paraardhës. Referuar të dhënave të INSTAT, gjatë vitit 2017 në Spanjë u eksportuan më shumë se 11.1 miliard lekë minerale e lëndë djegëse. Ndërkohë, gjatë vitit 2016, grupmallrat “Minerale, lëndë djegëse, energji elektrike” ishin rreth 3.7 miliard lekë. Rritja e vitit 2017 rezulton me 7.4 miliard lekë më shumë se viti 2016, raporton SCAN.
Nëse analizojmë shifrat e INSTAT rezulton se eksporti i këtij grupi mallrash rritjen më të lartë e ka shënuar me Spanjën. Po ashtu, me rritje në këtë zë është edhe Kosova ku rritja e eksporteve është 2.7 miliard lekë më shumë se viti paraardhës.
Ndërkohë, eksporti i minerale e lëndëve djegëse drejt dy partnerëve të tjerë, Greqisë dhe Italianë ka shënuar rënie gjatë vitit 2017. Gjatë vitit 2017, në Greqi u eksportuan rreth 105 milion lekë më pak minerale e lëndë djegëse ndërsa në Itali rreth 500 milion lekë më pak se viti 2016.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.