Bora bllokon rrugët – MM: Ja akset problematikë, shoferët të jenë të kujdesshëm

Disa akse rrugore janë bllokuar si pasojë e reshjeve të borës. Sipas raportimeve të Ministrisë së Mbrojtjes dhe Autoritetit rrugor Shqiptar, probleme janë vërejtur jo vetëm në veri dhe verilindje të vendit, por edhe në disa zona të Shqipërisë së mesme. Aksi Tiranë-Elbasan ka patur reshje të herë pas hershme bore, ndërsa po trajtohet me kripë për shkak të ngricave.

Aksi Librazhd-Qafë thanë është i hapur për qarkullim, por përdoruesit e rrugës duhet të qarkullojnë me shpejtësi të reduktuar për shkak të lagështirës dhe ngricave. Drejtuesit duhet të jenë të kujdesshëm edhe në aksin Përrenjas-Pogradec, pasi ka reshje të dendura bore. Ndërkohë, në një pjesë të segmentit Lezhë-Vau i Dejës rruga është i kalueshëm me një korsi të vetme.

Pa probleme qarkullohet në rrugën e Kombit, pavarësisht se raportohet për reshje bore. Ndërsa në aksin Bulqizë-Peshkopi qarkullimi kryhet me zinxhirë. Ndërkaq, raportohen bllokime disa akse ruralë, kryesisht në Qarkun e Shkodrës, por edhe në Gjirokastër e Elbasan.

Nisur nga kjo situatë,  shërbimet e Policisë së Shtetit po monitorojnë situatën dhe këshillojnë drejtuesit e mjeteve të kenë kujdes në këtë aks rrugor. Ndërkohë që, fadromat po punojnë për stabilizimin e situatës.

Qarku Shkodër

Shkodër-Theth është i bllokuar nga dëbora në vendin e quajtur Qafë Thore.

Shkodër-Breg Lumi është i bllokuar nga dëbora në vendin e quajtur Mali Shoshit 80 cm.

Shkodër-Velipojë është i kalueshëm me vështirësi në vendin e quajtur Qafë Shtiqen

Qarku Dibër

Ura e Çerenecit-Stëblevë  është i bllokuar.

Peshkopi-Kala e Dodës, Muhurr-Reç, Qafë Bualli-Martanesh, Trebisht-Doganë Maqedoni janë të kalueshme me zinxhirë.

Qarku Lezhë

Milot-Shkopet-Burrel, ka ngrica dhe dëborë në afërsi të tunelit të Shkopetit dhe lëvizja e mjeteve bëhet vetëm me zinxhirë

Rrëshen-Shpal-Gjegjan është i kalueshëm me zinxhirë.

Rruga e Kombit Rrëshen-Tunel Kalimash, është i kalueshëm pa zinxhirë

Qarku Elbasan

Aksi rrugor rural Togëz-Qarishtë, bashkia Librazhd ngelet problematik

Segmenti rrugor Qafë Shapkë-Qarishtë është i bllokuar.

Qarku Gjirokastër

Aksi rrugor rural Frashër, bashkia Përmet, në vendin e quajtur Kokojka vazhdon të jetë i bllokuar, si dhe segmentet rrugore në Frashër me fshatrat Miçan, Vërçisht, Zavalan, Ogrenj.

Aksi rrugor në bashkinë Këlcyrë, në zonën e Malëshovës trashësia e dëborës ka arritur rreth 20 cm dhe është i bllokuar.

Aksi rrugor rural në Njësinë Administrative Ballaban në fshatin Psar është i bllokuar.

Aksi rrugor rural Golem-Kolonjë Njësia Administrative Picar, bashkia Gjirokastër është e bllokuar nga dëbora

Qarku Korçë

Boboshticë-Dardhë, është i kalueshëm me zinxhirë.

Korçë-Voskopojë është i kalueshëm me zinxhirë.

Ersekë-Çarshovë është i kalueshëm me zinxhirë.

Libonik-Lozhan-Molla-Grabovë është i kalueshëm pjesërisht me zinxhirë.

Korçë-Ersekë është i kalueshëm me zinxhirë.

Liqenas-Dogana Goricë është i kalueshëm pjesërisht me zinxhirë.

Zëmblak-Liqenas është i kalueshëm pjesërisht me zinxhirë.

Bilisht-Hoçisht-Baban është i kalueshëm pa zinxhirë.

Aksi rrugor kryesorë Qafë Thanë-Qafë Plloçë-Dogana Kapshticë është i kalueshëm pa zinxhirë.

Qarku Tiranë.

Tiranë-Dajt është i kalueshëm me zinxhirë

Tiranë-Elbasan, në zonën e tunelit aktualisht është i kalueshëm me zinxhirë

Tiranë-Kërrabë është i bllokuar.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.