Bora mbulon Greqinë dhe Turqinë pas stuhisë së fortë – Qeveritë e vendeve shpallin gjithashtu disa ditë pushim
Bora ka mbuluar kryeqytetin grek të Athinës pas një stuhie të fortë që bëri që qeveria të shpallte pushime në disa pjesë të vendit.
Ndërsa bora është e zakonshme në malet greke dhe në Greqinë veriore, është më pak e shpeshtë në Athinën qendrore dhe në ishujt e Egjeut.
Vitin e kaluar, një stuhi e madhe bore shkaktoi probleme të rënda në kryeqytet, duke ndërprerë energjinë elektrike për ditë të tëra. Stuhitë dhe i ftohti kanw ndikuar në Athinë këtë javë.
Turqia u mbulua gjithashtu me borë, me autoritetet në Stamboll që bllokuan shërbimin e autobusëve ndërqytetës.
Shkollat në të gjithë Turqinë janë mbyllur për një pushim dimëror, por universitetet kanë ndërprerë mësimet për dy ditë. Zyrat publike dhe qendrat tregtare u mbyllën herët.
Zyra e guvernatorit të Stambollit njoftoi se nëpunësit civilë do të lejohen të qëndrojnë në shtëpi të martën, me përjashtim të atyre që janë të punësuar në sektorët e sigurisë, shëndetësisë dhe transportit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.