Bordi i ERE nis procedurën e licencimit të shoqërisë “FTL sh.a” në veprimtarinë e tregtimit të energjisë!

Bordi i Entit Rregullator të Energjisë ka filluar procedurën e shqyrtimit të aplikimit për licencim të shoqërisë “Furnizuesi i Tregut të Lirë” sh.a. (“FTL” sh.a.), në veprimtarinë e tregtimit të energjisë elektrike. Vendimi i datës 4 qershor është publikuar sot në Fletoren Zyrtare

Shoqëria “Furnizuesi i Tregut të Lirë” me kapital 3.5 milionë lekë do të ketë si objekt blerjen e menaxhimin e energjisë në tregun e lirë.

Kjo kompani është një nga tre kompanitë e krijuara nga procesi i ndarjes së Operatorit të Sistemit të Shpërndarjes së Energjisë Elektrike, që vjen si rrjedhojë e ligjit të ri për sektorin e energjisë elektrike e që ka si synim rritjen e eficencës në furnizimin me energji.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.