Borë, rrëshqitje dherash dhe gurësh e përmbytje! ARRSH informon drejtuesit e mjeteve për gjendjen e rrugëve nga jugu në veri
Gjatë natës ka pasur reshje bore në veri të vendit, si në Dedaj-Razëm, Bajram Curri-Valbonë. Autoriteti Rrugor Shqiptar njofton se grupet e punës kanë qenë në terren dhe se rruga është e hapur dhe qarkullimi vazhdon pa probleme.
-Në segmentin Fushë Arrëz-Kukës dhe Kalimash-Fushë Dukagjin, si pasojë e reshjeve të dendura të shiut ka pasur rënie gurësh në trup të rrugës, është ndërhyrë menjëherë nga kompania e mirëmbajtjes dhe po punohet akoma. Qarkullimi vazhdon normalisht.
-Në rajonin jugor ka pasur reshje shiu me intesitet mesatar, si pasojë ka sjellë rënie gurësh në aksin Berat-Çorovodë dhe Patos-Ballsh, është ndërhyrë menjeherë për pastrimin e rrugëve pa krijuar probleme në qarkullim
-Në segmentin Qukës-Pishkash ka prurje të aluvioneve vazhdimisht . Po punohet për pastrimin e plotë të rrugës me mjete e punëtorë.
ARRSH këshillon se drejtuesit e mjeteve duhet të tregohen të kujdesshëm për shkak të lagështisë në rrugë, të reduktojnë shpejtësinë dhe të respektojnë sinjalistikën.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.