Borrell: BE-ja do të japë 500 milionë euro ndihmë të re ushtarake për Ukrainën!

Shefi i politikës së jashtme të BE-së, Josep Borrell, tha të premten se blloku do të sigurojë një mbështetje të mëtejshme ushtarake me vlerë 500 milionë euro për Ukrainën dhe se ai ishte i bindur se një marrëveshje mund të arrihet në ditët në vijim për të rënë dakord për një embargo ndaj naftës ruse.

Duke folur me gazetarët në margjinat e takimit të ministrave të jashtëm të G7 në Gjermaninë veriore, Borrell tha se mbështetja ushtarake do të ishte për armët e rënda si tanke dhe artileri dhe do të çonte ndihmën e bllokut në rreth 2 miliardë euro.

“Një shtysë e re për mbështetjen ushtarake. (Do të jetë) më shumë presion ndaj Rusisë me sanksione ekonomike dhe vazhdimin e izolimit ndërkombëtar të Rusisë dhe kundërinformimit,” tha ai.

Borrell tha se ai ishte gjithashtu optimist se një embargo e BE-së për naftën ruse mund të arrihet gjithashtu në ditët në vijim.

“Jam i sigurt se do të kemi një marrëveshje. Na duhet dhe do ta kemi. Duhet të heqim qafe varësinë e naftës nga Rusia,” tha ai.

“Nëse nuk ka marrëveshje në nivelin e ambasadorëve, atëherë të hënën ministrat kur të mblidhen duhet të japin shtysën politike”.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.