Borxhe tatimore të pashlyera – 362 mijë amerikanëve mund t’u mohohet pasaporta ose rinovimi i saj
362 mijë shtetasve amerikanë mund t’u mohohet pasaporta ose rinovimi i saj për shkak të borxheve tatimore që kanë ndaj shtetit, raporton gazeta Wall Street Journal.
Shërbimi i të Ardhurave të Brendshme ka fuqinë të bllokojë pasaportat bazuar në ligjin e miratuar nga Kongresi më 2015, i cili autorizon ndërhyrjen në rastet kur individët kanë detyrime ndaj shtetit më shumë se 51 mijë dollarë.
Që nga shkurti, agjencia ka dërguar dhjetëra mijëra emra të personave në Departamentin e Shtetit, i cili mbikëqyr aplikimet për pasaportë.
Departamenti i Shtetit thotë se shkelësit që nuk zgjidhin problemet e tyre tatimore para se të aplikojnë për pasaportë, do t’u vonohet apo refuzohet aplikimi i tyre.
Ndërkohë, shtetasit që rezultojnë me vonesa serioze në shlyerjen e taksave dhe kanë aplikuar për pasaportë amerikane, nuk do të pajisjen me të pas shlyer detyrimet tatimore. Që nga qershori, të paktën 220 persona kanë paguar gjithsej 11.5 milionë dollarë borxhe të prapambetura, sipas Wall Street Journal.
Ndërkohë, Shërbimi i të Ardhurave të Brendshme thotë se mund të ofrojë masa lehtësuese për shlyerjen e borxheve tatimore për të shmangur rrezikun e marrjes së pasaportës.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.