Borxhi publik i Gjermanisë arrin në nivelin më të ulët që nga viti 2010!

Muaji gusht ka nisur me një lajm të mirë për qytetarët, të cilët në mënyrë figurative e konsiderojnë borxhin si një turp. Kështu, borxhi publik gjerman, ai federal dhe lokal, ka zbritur për herë të parë që nga viti 2010 poshtë kufirit prej 2 triliardë euro, në nivelin 1,967 triliardë në fund të vitit 2017.

Shifrat konfirmojnë tendencën e borxhit me Prodhimin e Brendshëm Bruto që është parashikuar të zbresë nën kufirin prej 60% vitin e ardhshëm, në 58,25%, duke tejkaluar edhe kufirin e Maastrichtit për herë të parë në 17 vitet e fundit.

Kjo ndodh megjithë një rritje të konsiderueshme të investimeve publike në periudhën 2019-2022. Gjermania përfaqëson në zonën euro dhe Bashkimin Europian grupin që ka një pozicion më të rreptë ndaj vendeve që kanë hyrë në monedhën e përbashkët duke premtuar reduktimin e borxhit publik ndaj Prodhimit të Brendshëm Bruto. Por, ndërkohë, këto vende duket se kanë dështuar në këtë drejtim.

Më parë, Gjermania konsiderohej si më pak e rreptë për këtë qëllim, por elektorati gjerman po ripozicionohet më djathtas dhe ministri i Financave, Olaf Scholz, ka frikë të vijojë të jetë me retorika të buta ndaj vendeve të tilla, pasi mund të humbë të tjera vota për partinë e tij socialdemokrate.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.