Boshatisja e gjykatave nga Vetting-u/ Llagami: 75 mijë çështje të pa trajtuara, Administrativja Shkodër asnjë gjyqtar

Kreu i Këshillit të Lartë Gjyqësor, Naurela Llagami ka raportuar të mërkurën në Kuvend për gjendjen e sistemit.  Ajo i ka bërë një analizë të gjatë situatës së gjykatave, të rënduara për shkak të shkarkimeve dhe dorëheqjeve nga Vetting-u, duke theksuar se për të mbuluar boshllëqet Këshilli ka ndërmarrë plot 706 delegime gjyqtarësh. Situata më problematike haset në Gjykatën Administrative të Shkodrës, ku aktualisht gjendet vetëm një gjyqtar, edhe ai i deleguar.  Gjithësesi, Llagami vërejti se sistemi ka ruajtur një ritëm të kënaqshëm të trajtimit të çështjeve, ndërkohë që nga 147 mije çështje të regjistruara  ne 2018,  kane mbetur pa trajtuar 75 mije çështje.

Lidhur me plotësimin e Gjykatës së Lartë, e cila numëron një stok prej 31 mijë dosjesh, Llagami tha se ajo do të jetë gati në shtator të këtij viti.

Këshilli i Lartë Gjyqësor bëri me dije se janë drejt ngritjes edhe gjykatat e posaçme antikorrupsion, të cilat do të trajtojnë rastet e hetuara nga SPAK.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.