BQE do të riorganizojë politikat/ Mund të ndryshojë objektivi për stabilitetin e çmimeve!

Banka Qendrore Europiane ka nisur një rishikim të politikave që mund të sjellë ndryshimin e objektivit të institucionit apo mënyrat për ta arritur atë objektiv.   Banka Qendrore e zonës euro ka dështuar të arrijë objektivin e inflacionit në pranë 2%, pavarësisht se ka injektuar në treg stimuj gjigantë monetarë, nën presidencën e Mario Draghit. Shefja e re, Christine Lagarde, tha se objektivi do të rishikohet, së bashku me mjetet e përdorura për ta arritur, mënyrën se si mat rritjen e çmimeve dhe si komunikon me publikun.

“Nuk do lëmë gurë pa kthyer , dhe mënyra se si masim inflacionin do të jetë diçka që do i japim rëndësi”, tha Lagarde në konferencën e dytë si presidente e bankës.   Mënyra se si Institucioni në Frankfurt ndryshon formulimin e stabilitetit të çmimeve, që është përcaktuar aktualisht si një normë inflacioni në pranë, por jo 2% në terma afatmesëm, do të jetë e rëndësishme për të parashikuar lëvizjet e ardhshme politike.

Banka Qendrore Europiane po përpiqet gjithashtu të përfshijë ndikimin ekonomik të ndryshimit klimatik tek politikat e veta. Kjo është një çështje e debatuar, pasi kolegët e Lagardë thonë se kjo nuk është punë e një banke qendrore.  Lagarde thotë se banka mund të kontrollojë nëse emetuesit e obligacioneve që institucioni blen, përshtaten me kriteret mjedisore dhe sociale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.