BQE do të rrisë blerjet e bonove – Vendimi merret për të mos rritur kostot e huazimit
Banka Qendrore Evropiane ka thënë se pret të rrisë blerjet e saj të bonove “ndjeshëm” tremujorin e ardhshëm, pasi kostot e huamarrjes u rritën në rajon.
BQE vendosi të Enjten të linte të pandryshuar Programin e Blerjes së Urgjencës Pandemike, ose PEPP, me një total prej 1.85 trilionë euro (2.21 trilionë dollarë) që duhej të zgjaste deri në Mars 2022.
Sidoqoftë, blerjet e bonove të bankës qendrore në tremujorin e parë kanë qenë më të ulëta se zakonisht dhe institucioni me qendër në Frankfurt.
“Bazuar në një vlerësim të përbashkët të kushteve të financimit dhe parashikimit të inflacionit, Këshilli Drejtues pret që blerjet nën PEPP gjatë tremujorit të ardhshëm të kryhen me një ritëm dukshëm më të lartë sesa gjatë muajve të parë të këtij viti,” tha BQE në një deklaratë .
Yield-et e bonove në zonën e euros janë rritur që nga shkurti, pasi homologët e tyre të Shteteve të Bashkuara ishin më të larta pasi Presidenti Joe Biden njoftoi një plan masiv të stimulit fiskal. Kjo ka çuar në frikën se rendimentet në rritje mund të prishin rimëkëmbjen ekonomike në Evropë duke rritur kostot e huazimit për vendet që tashmë po luftojnë me krizën e koronavirusit.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.