“BQE do të shmangë premtimet afatgjata” – Lagarde: Takimi i Dhjetorit vetëm do të japë drejtim. Çmimet do të zbuten vetë

Banka Qendrore Europiane mund të caktojë politikat për një periudhë relativisht të shkurtër në takimin e këtij muaji, duke marrë parasysh rritjen e pasigurisë, por nuk duhet të vonojë vendimin, pasi tregjeve u duhet një drejtim, sipas presidentes së institucionit Christine Lagarde.

Politikëbërësit konservatorë i kanë bërë thirrje bankës që të shmangë premtimet afat-gjata në Dhjetor, duke parë rritjen e inflacionit dhe rikthimin e pandemisë, përfshirë shfaqjen e variantit Omicron. Disa kanë diskutuar edhe mundësinë e shtyrjes së një vendimi në vitin 2022, me shpresën se vonesa do të sjellë më shumë qartësi mbi inflacionin dhe rritjen ekonomike.

Takimi i 16 Dhejtorit do të jetë më i rëndësishmi këtë vit. Banka Qendrore e Eurozonës ka bërë të ditur më parë se do të shkurtojë programin e stimujve emergjencë të pandemisë prej 1.85 trilionë euro në Mars 2022, si dhe do të rikalibrojë mjete të tjera të politikave.  Lagarde nuk diskutoi opsionet e takimit por tha se beson që Programi i Blerjeve Emegjencë të Pandemisë, mjeti kryesor i bankës në 2 vitet e fundit, duhet të përfundojë, dhe se normat e interesit nuk duhet të rriten në vitin e ardhshëm.

Lagarde i qëndroi qasjes së BQE që rritja e çmimeve do të zbehet vetë, pavarësisht se politikëbërësit në SHBA po nrdyshojnë qasje, duke thënë se 2 ekonomitë janë të ndryshme, kryesisht në tregun e punës. Komentet e Lagarde vijnë ndërkohë që inflacioni në 19 vendet që ndajnë euron u rrit në një nivel rekord të lartë prej 4.9% në muajin e kaluar, më shumë se dyfishi i objektivit të BQE.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.