BQE: Kreditë në eurozonë të qëndrueshme – Rimëkëmbet rritja e ofertës monetare
Rritja e kreditimit në eurozonë u shfaq e qëndrueshme gjatë muajit maj, ndërkohë që një tregues më i gjerë i ofertës së parasë, që shpesh parashikon aktivitetin e ardhshëm, u rrit më shpejt se sa pritej, treguan të dhënat të hënën, duke lehtësuar presionin mbi Bankën Qendrore Europiane për të dhënë më shumë stimuj.
Kreditë familjare u rritën me 3.3%, duke mbetur të qëndrueshme pas nivelit më të lartë të arritur në pas krizë, ndërkohë që kreditimi i korporatave u rrit me 3.9%, nën pikun e saj të post krizës, por duke sfiduar pritjet për një ngadalësim.
Me rritjen ekonomike të ngadalësuar ndjeshëm në kërkesën e dobët të eksportit për mallrat e prodhuara, BQE vendosi plane për normalizimin e politikës në pritje dhe madje nxiti për më shumë stimuj, duke përgatitur tregjet për një ulje të mundshme të normave ose rinisjen e blerjeve të obligacioneve. Norma vjetore e rritjes së masës M3 të ofertës monetare, e cila shpesh parashikon aktivitetin e ardhshëm, ndërkohë u përshpejtua në 4.8% nga 4.7% një muaj më parë, duke mposhtur parashikimet për 4.6%.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.