BQE për inflacionin – Draghi: Mund të tërhiqet, nuk do ndikojë programin në Dhjetor
Presidenti i Bankës Qendrore Europiane, Mario Draghi, bëri të ditur se inflacioni në Eurozonë mund të mos rritet aq shpejtë sa ç’pritej, për shkak se firmat përballen me shumë pasiguri. Sipas tij, nëse firmat kanë pasiguri mbi rritjen ekonomike dhe inflacionin, kjo do të ndikojë në shpejtësinë nën të cilën inflacioni do të përshpejtohet.
Fjalimi i Draghit ishte përgjithësisht pozitiv dhe ai përsëriti se programi i blerjes së obligacioneve do të mbarojë në fund të këtij viti. Ai tha se nuk ka arsye se pse rritja ekonomike në Eurozonë, që ndodhet në vitin e 5 radhazi, të përfundojë papritmas. Interesat e titujve të borxhit u rritën ditën e Premte, ndërkohë që yield-i 10-vjeçar i Gjermanisë arriti nivelin më të lartë në 0.376%. Më herët gjatë fjalimit, Draghi përmendi çështje si tregtia globale, efektet e përkohshme të motit si dhe aksionet industriale që po ndikojnë prodhimin në shumë vende.
Së fundmi, ka patur një ndërprerje të prodhimit të makinave për shkak të prezantimit të standardeve të reja për ndotjen. Rritja ekonomike e Eurozonës u ngadalësua lehtë në tremujorin e tertë, ndërsa Produkti i Brendshëm Bruto i Gjermanisë, u tkurr për të parën herë në 3 vite e gjysmë. “Ndërkohë që raundi i ri i projeksioneve do të jetë i disponueshëm në Dhjetor, ne do të kemi aftësinë për të vlerësuar më mirë rreziqet ndaj ekonomisë dhe inflacionit”, tha Draghi.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.