BQE përpiqet të shpëtojë ekonominë / Do të ndihmojë bankat të ruajnë likuiditetin
Banka Qendrore Evropiane të enjten publikoi një paketë të freskët stimuluese për ekonominë në përgjigje të rrezikut në rritje të koronavirusit.
Përveç programit të saj mujor të blerjes së pasurive prej 20 miliardë eurosh (22.5 miliardë dollarë), BQE njoftoi një plan të përkohshëm të blerjes së pasurive prej 120 miliardë eurosh deri në fund të këtij viti.
Lehtësimi sasior është kur bankat qendrore blejnë obligacione qeveritare në shkallë të gjerë për të stimuluar kreditimin dhe për të shtyrë inflacionin më lartë në ekonomi.
BQE gjithashtu njoftoi disa masa duke përfshirë lehtësimin e kërkesave të kapitalit për të ndihmuar bankat të ruajnë likuiditetin në kohën e krizës.
Dosti Banushi – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.