BQE: Rritja e kreditimit familjar në Eurozonë në vlera maksimale
Rritja e kreditimit familjar familjare shënoi një rritje post-krize muajin e kaluar, ndërkohë që kreditimi i korporatave u zgjerua në nivelin e tij më të mirë këtë vit, sipas të dhënave të Bankës Qendrore Evropiane, duke lehtësuar frikën që bankat po ndërpresin kreditimin mes një ngadalësimi të rritjes.
Rritja e kreditimit të korporatave u rrit me 3.9% në muajin prill nga 3.6% në muajin mars, një rritje e madhe, edhe pse mbetet ende nën pikën e saj më të lartë të shtatorit prej 4.3% , bën me dije BQE.
Rritja e kredisë familjare ndërkohë u përshpejtua në 3.4% në muajin prill nga 3.3% në muajin mars, më e larta që nga fillimi i vitit 2009, treguan të dhënat e bankës. Me një ngadalësim të rritjes ekonomike si pasojë e uljes së kërkesës për eksport të mallrave të përpunuara, BQE tashmë ka ndërprerë planet e saja në normalizimin e politikës, duke njoftuar në vend të saj masat të mëtejshme stimuluese për të ndihmuar kreditimin e bankave dhe për të mbështetur një ekonomi ende të çalë.
Duke pasur frikë se bankat mund të bllokojnë fluksin e kredive për bizneset në një periudhë ekonomike në ngadalësim, ajo ka në plan t’i japë huadhënësve një linjë të re të kredive me kosto të ultë me qëllim për t’i dhënë korporatave sa më shumë likuiditete në mënyrë të tillë që të vazhdojnë investimet.
Norma vjetore e rritjes së masës të M3 të ofertës monetare, e cila shpesh parashikon aktivitetin e ardhshëm, ndërkohë ka arritur në 4.7% nga 4.6%, duke mposhtur parashikimet për 4.4%.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.