Braçe sfidon Ahmetajn për pagat: “Nuk tërhiqemi nga propozimi për zero tatim deri në 40 mijë lekë”
Ndërsa Ministri Arben Ahmetaj ka propozuar një ditë më parë taksimin e të gjitha pagave, Kryetari i Komisionit të Ekonomisë, Erion Braçe e sfidon atë që ta bëjë realitet.
Ndërsa qëndron i palëkundur në propozimin unanim të të gjithë deputetëve të Komisionit për të rritur pragun e pagave të pataksueshme nga 30 mijë lekë që është aktualisht, në 40 mijë lekë.
Braçe ka renditur dy arsye kryesore se përse duhet riparë pragu i vendosur deri më tani.
Kërkesa e mazhorancës për rritjen e pragut është bërë disa ditë më parë, ndërsa ministri Ahmetaj i ka sfiduar, duke propozuar taksim me 1.5 për qind të pagave 0-30 mijë lekë, apo ulje të fashës së pataksueshme deri në 10 mijë lekë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.