Brazili i kthen sytë nga Pfizer. Vala e dytë e pandemisë shton urgjencën e vaksinimit të shpejtë
Qeveria e Brazilit i bëri thirrje Pfizer që të shpejtojë dërgesat e vaksinave të Covid-19, ndërkohë që vala e dytë e pandemisë po shton urgjencën për një shpërndarje të shpejtë. Presidenti Jair Bolsonaro, që ka nënvlerësuar situatën dhe ka vënë në pikëpyetje nxitimin për vaksinat më parë, mori pjesë personalisht në një video konferencë me ekzekutivë tek Pfizer, ku arritën një marrëveshje me fjalë për të blerë vaksina.
Brazili ka raportuar një numër rekord të vdekjeve në javën e kaluar dhe sistemi i kujdesit shëndetësor ndodhet në prag të kolapsit. Kjo ka sjellë thirrje nga Organizata Botërore e Shëndetësisë për përhapje rajonale të infeksionit si dhe masa të reja të karantinës në vend. Më pak se 4% e 210 milionë banorëve të Brazilit janë vaksinuar kundër Covid-19, për shkak të disa hapave të gabuara nga Ministria e Shëndetësisë, që Bolsonaro e ka pajisur me personel të ushtrisë, që kanë pak eksperiencë tek shëndeti publik. Në muajin Gusht, Ministria e Shëndetësisë, humbi shansin për të porositur 70 milionë doza të vaksinës së Pfizer dhe BioNTech.
Pavarësisht se Brazili nuk ka nënshkruar një kontratë me Pfizer, Ministri i Ekonomisë, Paulo Guedes, tha se pas thirrjes së Bolsonaro, kompania ka rënë dakord që të ofrojë 14 milionë doza deri në Qershor, nga 9 milionë që ishte oferta e mëparshme.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.