Brazili kalon Britaninë për fatalitete – Vendi i dytë në botë për numrin më të lartë të viktimave nga Covid-19

Brazili ka kaluar Britaninë e Madhe dhe tashmë është vendi i dytë në botë, pas Shteteve të Bashkuara të Amerikës sa i përket numrit më të lartë të viktimave nga Covid-19, thonë të dhënat më të fundit të lëshuara nga Ministria e Shëndetësisë në vend. Vendi amerikano-latin raporton kështu më shumë se 828 mijë raste infektimi dhe rreth 42 mijë viktima.

Vetëm në 24 orët e fundit, nga e premtja në të shtunën, autoritetet raportuan plot 26 mijë raste të reja infeksioni dhe 909 viktima. Këto shifra vijnë në një kohë që qeveria braziliane është e prerë për lehtësimin e masave të karantinës dhe rikthimit gradualisht drejt normalitetit.

Presidenti i vendit, Bolsonaro, i cili krahut të djathtë ka guxuar vazhdimisht që të minimizojë pasojat e virusit, duke e cilësuar atë thjesht si një grip duke akuzuar edhe autoritetet lokale se po i ekzagjërojnë shifrat vetëm për të minuar pushtetin e tij. Një sondazh i publikuar së fundmi tregon se, 52% e brazilianëve tashmë është në favor të karantinës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.