Brazili nis fushatën gjigante të vaksinimit. 16 shtete federale marrin dozat e para të CoronaVac

Brazili ka nisur fushatën gjigante të vaksinimit kundër koronavirusit, sipas lajmërimit të Ministrisë së Shëndetësisë. Guvernatorët kanë lirinë të nisin vaksinimin menjëherë sa injeksionet të arijnë në shtetet e tyre, sipas ministrisë. Ditën e hënë, 16 shtete federale morën dozat e CoronaVac të zhvilluar nga laboratori kinez Sinovac, në bashkëpunim me institutin Butantan në Sao Paolo dhe 11 prej tyre kanë nisur vaksinimin.

Punonjësit e shëndetësisë, qytetarët e moshuar në azile, perosnat me aftësi të kufizuar si dhe aborigjenët, do jenë të parët në radhë për vaksinimin në Brazil. Në Rio de Janeiro, 2 vullnetarë morën dozën e parë, 1 orë pasi vaksinat u transportuan në qendër. Rregullatori shëndetësor në Brazil autorizoi për përdorim emergjent vaksinën kineze si dhe injeksionin e AstraZeneca ditën e Diel.  Menjëherë pas autorizimit, qeveria e Sao Paolo, ku është epiqendra e infeksioneve në Brazil, aplikoi vaksinën e parë të Sinovac.

Shteti në Amerikën e Jugut ka numrin e dytë më të lartë të vdekjeve nga Covid-19 pas Shtetve të Bashkuara, si dhe numrin e tretë më të madh të rasteve në botë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.