Brazili pezullon marrëveshjen e vaksinës / Kontrata për dozat indiane do të anulohet prej hetimeve për korrupsion
Brazili do të pezullojë një kontratë prej 324 milionë dollarë për vaksinën indiane ndaj Covid, që ka zhytur presidentin Jair Boslojnaro në akuza të parregullsive, sipas ministrisë së Shëndetësisë. Marrëveshja për 20 milionë doza të vaksinës së Bharat Biotech, Covaxin, është kthyer në dhimbje koke për Bolsonaro, pasi u bënë publike parregullsi në lidhje me të. Bolsonaro, popullariteti i të cilit është zbehur ndërkohë që vdekjet nga Covid kaluan 500,000, ka thënë se nuk është në dijeni të ndonjë parregullsie. Ministri i Shëndetësisë në Brazil, Marcelo Queiroga, tha në një konferencë se ekipi i tij do të hetojë akuzat gjatë pezullimit. Hetuesit federalë në Brazil kanë hapur një hetim tek marrëveshja, duke përmendur çmime relativisht të larta, negociata tejet të shpejta dhe mungesë të miratimit rregullator. Marrëveshja po hetohet gjithashtu nga një panel në Senat, që mbikëqyr trajtimin e pandemisë nga qeveria. Një nga senatorët kryesor të opozitës në panel ngiti një ankesë zyrtare kriminale kundër Bolsonaro tek Gjykata e Lartë në nisje të Javës. Senatori Randolfe Rodrigues tha se kërkon që gjykata të hetojë dyshimet serioze dhe të zbulojë se pse Bolsonaro nuk bëri asnjë veprim pasi u njoftua për një skemë gjigante të korrupsionit tek Ministria e Shëndetësisë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.