Brazili vjen me një vaksinë të re: “Butantan’’ do të fillojë provat njerëzore me mbi 1,800 vullnetarë
Instituti biomjekësor Butantan i Brazilit do të kërkojë miratimin, për të filluar provat njerëzore për një vaksinë potenciale të COVID-19, kanë bërë me dije zyrtarët.
Guvernatori i Sao Paulo, Zhoao Doria, tha se qëllimi ishte të fillonin inokulimet me vaksinën në korrik, një afat kohor agresiv por Butantan synon të prodhojë 40 milion doza të vaksinës së re këtë vit, të quajtur Butanvac, duke filluar që në muajin maj.
Zyrtarët kanë deklaruar se ky hap synon të ndihmojë programin kombëtar të imunizimit, i cili nuk ka pasur shumë efektshmëri në ndalimin e shpërthimit masiv në Brazil.
Guvernatori, ka deklaruar në një konferencë shtypi se prodhimi i Butanvac nuk do të ndërhyjë në partneritetin e institutit të financuar nga shteti për të prodhuar dhe shpërndarë doza të vaksinës kundër COVID-19 të zhvilluar nga kompania kineze Sinovac.
Zyrtarët e Butantan thanë se vaksina e re ishte projektuar për të mbrojtur kundër variantit ngjitës të koronavirusit, i cili u shfaq në rajonin e Amazonës vitin e kaluar dhe po ushqehet në një valë të dytë vdekjeprurëse të rasteve që kanë pushtuar spitalet e vendit. Butantan planifikon të testojë vaksinën në 1,800 vullnetarë në dy faza. Butantan tashmë ka dorëzuar 27.8 milion doza të vaksinës Sinovac, të quajtur CoronaVac, në qeverinë braziliane, e cila është pjesa kryesore e planit kombëtar të imunizimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.