Brazili “zhytet” në kaos – Presidenti i akuzuar për korrupsion, “Fitch” jep alarmin
Brazili është zhytur sërish në kaos. Presidenti i vendit, Michael Temer, që zëvendësoi rreth një vit më parë Dilma Rousseff, të shkarkuar nga parlamenti për shkak të një procesi gjyqësor, tashmë akuzohet për të njëjtat gjëra; korrupsion.
Brazilianët kanë zbritur sërish në shesh, duke kundërshtuar kleptokracinë.
Prokurori i përgjithshëm në Brazil ka akuzuar Temer për korrupsion pasiv, pengim të drejtësisë, dhe aktivitet të paligjshëm.
Gjykata e lartë ka nisur zyrtarisht një hetim mbi çështjen. Ekonomia më e madhe e Amerikës latine po rreshket në një krizë tjetër institucionale.
“Telashet gjyqësore të presidentit Temer mund të provokojnë një tjetër proces impeachment, që mund të reflektohet në tregje; qeverisja dhe procesi i reformave mbeten në rrezik të madh nga ky hetim”, shkruan agjencia e vlerësimit Fitch.
Kjo e fundit ruan të pandryshuar vlerësimin në BB për vendin, me perspektivë negative, pikërisht për shkak të pasigurive politike. Skandali ka gjeneruar një rënie të tregjeve të kapitalit dhe të monedhës vendase.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.