Brexit – Britanikët duhet të rinovojnë pasaportat e tyre

Miliona udhëtarë të Mbretërisë së Bashkuar mund t’ju ndalohet hyrja në disa vende europiane në rast të një Brexit pa marrëveshje.

Një grup i konsumatorëve (Which?)ka pretenduar se kjo nuk do të ndodhë në rast se ata rinovojnë pasaportat e tyre deri të premten. Biznesmenët rrezikojnë të bien ndesh me rregullat për hyrjen e vendeve Shengen në zona të tilla si Franca, Spanja dhe Italia, sipas të cilave vizitorët zakonisht kanë nevojë të paktën gjashtë muaj në pasaportën e tyre që nga data kur ata mbërrijnë. Deri kohët e fundit, qytetarët e Mbretërisë së Bashkuar që rinovuan pasaportën e tyre para se të skadonte mund të kishin deri në nëntë muaj vlefshmëri të mbetur shtuar në dokumentin e tyre të udhëtimit.

Qeveria ka paralajmëruar se kjo kohë nuk do të llogaritet në kërkesën gjashtëmujore pas një Brexit pa marrëveshje, që do të thotë që njerëzit që kanë deri në 15 muaj të mbetur në pasaportën e tyre mund t’u mohohet hyrja në shumë destinacione popullore në kontinent. Shifrat e marra tregojnë se rreth 3.5 milionë pasaporta aktuale britanike nuk do të përputhen me rregullat e vlefshmërisë. Grupi i konsumatorëve vuri në dukje se e premtja do të jetë tre javë para se Mbretëria e Bashkuar të tërhiqet nga BE, e cila është koha që duhet për pasaportat të mbërrijnë pas një aplikimi të rinovimit standard.

Rory Boland, editor i Travel magazine tha se kushdo që mendon se mund të preket nga kjo, duhet të ripërtërijë pasaportën sot ose nëse tashmë kanë plane të udhëtimit në të ardhmen e afërt, të marrin në konsideratë përdorimin e shërbimit të ripërtëritjes së shpejtë të pasaportave.

Burimi:Bloomberg

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.