Brexit e lë ”Ford” në udhëkryq, për krijimin planetve afatgjata britanike

Ford po shpenzon dhjetëra miliona euro duke u përgatitur për një dalje të mundshme të Britanisë nga Bashkimi Evropian, pa një marrëveshje tregtie dhe ende nuk ka vendosur për planet e saj afatgjata për Britaninë, është shprehur kryetari i Ford,  Stiven Armstrong.

“Ne e duam të jemi në Britani, por duhet të jemi konkurrues dhe nëse nuk jemi konkurrentë në Britani, atëherë do të duhet të ndërmarrim çfarëdo veprimi që duhet për të mbrojtur biznesin”, tha Armstrong për Reuters në një aktivitet në Holandë.

Ndërsa kompania ka njoftuar 5,000 shkurtime të vendeve të punës në Gjermani, tregu i dytë më i madh europian. Makinat britanike të ndërtuara nga Ford, të cilat dërgohen për montim në Gjermani, Turqi, Shtetet e Bashkuara dhe vende të tjera, mund të përballen me vonesa dhe kosto shtesë nga një Brexit pa marrëveshje.

“Kemi kaluar 40 vitet e fundit duke ndërtuar një biznes që mbështetet në tregtinë ndërkufitare”, tha Armstrong, i cili po mbikëqyr një rishikim të Ford në Europë për të rifokusuar pozicionin e saj të fortë në automjete komerciale.

”Ford mund të përpiqet të përballojë kostot më të larta tarifore, por kjo do të ishte e vështirë në Britani, ku një recesion do të nënkuptonte shitjet në rënie’‘, – shtoi ai.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.