Brexit pa marrëveshje – Paundi pritet të bjerë në $1.20 nëse ndodh ky skenar
Paundi do të humbasë 9% të vlerës aktuale kundër dollarit amerikan, në 1.20$, nëse Britania del nga Bashkimi Europian pa arritur një marrëveshje, sipas një sondazhi të Reuters drejt analistëve të këmbimit valutor.
Megjithatë, shumica e ekonomistëve presin që të dyja palët të arrijnë një marrëveshje të tregtisë së lirë dhe shumica e 60 analistëve të anketuar, bënë të ditur se dyshja do të qëndrojë në 1.32$ në fund të muajit Mars. Pas 6 muajsh, paundi do të fuqizohet në 1.35 dollarë dhe në një periudhë 1-vjeçare, në 1.39 dollarë.
Një sondazh tjetër i Reuters këtë javë tregoi se shanset e daljes së Britanisë pa marrëveshje kanë rënë në 15%, por nëse të dyja palët dështojnë të arrijnë një marrëveshje, paundi mund të arrijë në paritet me dollarin amerikan. Ndërsa jo të gjithë të anketuarit ishin aq të zymtë, projeksioni më optimist për daljen pa marrëveshje, rezultoi në 1.28 $.
Duke dhënë pak mbështetje për paundin, Rezerva Federale në Shtetet e Bashkuara ka vendosur të ndalojë tkurrjen monetare ndërsa Banka e Anglisë pritet të rrisë interesat më vonë gjatë vitit. Por, diferencialet e normave të interesit nuk do të ofrojnë shumë ndihmë për paundin kundër euros.
Pavarësisht se Banka Qendrore Europiane pritet të vonojë rritjen e normave të interesit, paundi nuk do të fuqizohet kundër valutës europiane.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.