BREXIT shkakton alarm të ri- Kompanitë do të ulin investimet dhe punësimin
Kompanitë e Britanisë së Madhe janë të shqetësuara rreth Brexit më shumë se në çdo kohë tjetër që nga vendimi i referendumit në vitin 2016 për t’u larguar nga Bashkimi Europian. Një sondazh dëshmon se kompanitë britanikë kanë në plan të ulin investimet dhe punësimin.
Sondazhi i kryer nga Deloitte zbuloi se 83% e drejtuesve besonin se largimi nga BE do të dëmtonte mjedisin e biznesit afatgjatë të Britanisë, ndërsa 4% thanë se ishte një kohë e mirë për ta marrë më shumë rrezikun e bilancit.
Ekonomia e Britanisë është ngadalësuar ndjeshëm pas një fillimi të fortë në vitin 2019 kur kompanitë nxituan të përgatiten për datën origjinale të Brexit në mars e cila është vonuar deri më 31 tetor.
Sondazhet e botuara javën e kaluar sugjeruan se ekonomia u tkurr në tremujorin e dytë dhe guvernatori i Bankës së Anglisë Mark Carney tha se rreziqet do të vijnë në rritje nga një Brexit pa marrëveshje dhe nga një përshkallëzim i tensioneve tregtare në ekonominë botërore.
Kompanitë britanike shkurtuan investimet e biznesit gjatë gjithë vitit 2018 duke ngritur shqetësime në lidhje me ndikimin afatgjatë të krizës së Brexit në ekonominë e vendit.
Sipas sondazheve pothuajse pjesa më e madhe e drejtuesve të anketuar pritet të ndërpresin punësimin në tre vitet ardhshme si rezultat i Brexit dhe 47% pritet të reduktojnë shpenzimet kapitale.
Por edhe nëse Britania arrin të shmangë një Brexit pa marrëveshje, thotë Konfederata e Industrisë Britanike, pritet që investimi i biznesit do të bjerë me 1.3% në 2019.
Parashikimet për rritjen ekonomike britanike në 2019 ishin për një rritje në 1.4%, por ato janë ulur parashikim e saj për 2020 deri në 1.5% nga një vlerësim i mëparshëm në 1.6%.
SCAN
Artikulli origjinal: https://www.euronews.com/2019/07/08/uk-firms-cut-investment-plans-as-brexit-alarm-hits-new-high-survey?fbclid=IwAR3TCYDXCxib7FjJKHTGbqHJCZTwVaQE8cMB4tlJkV7n08apPM7Ezx1Koro
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.