Britani, inflacioni në nivel të lartë 10-vjeçar – Rritet prej faturave të energjisë. BOE, në presion për të rritur interesat

Inflacioni në Britani u rrit në nivelin më të lartë në 10 vite për Tetorin, ndërkohë faturat e energjisë prekën majën, sipas të dhënave që pritet të shtojnë pritshmëritë që Banka e Anglisë të rrisë normën bazë të interesit në muajin e ardhshëm.  Indeksi i çmimit të konsumit u rrit me 4.2% me bazë vjetore në Tetor, shumë sipër normës prej 3.1% në Shtator.  Asnjë prej analistëve, përfshirë vetë Bankën e Anglisë, nuk e prisnin këtë normë të lartë. Paundi u rrit në nivein më të lartë javor kundër dollarit dhe në nivelin më të lartë 21 muaj kundër Euros, pas të dhënave.  Ministri i financave, Rishi Sunak, tha se rritja e inflacionit nuk është një problem vetëm për Britaninë dhe se Qeveria po ndërmerr hapa që të kompensojë goditjen tek fuqia shpenzueze.

Norma e inflacionit e vendos britaninë në mes të vendeve të G7, ndërkohë që inflacioni në SHBA është rritur sipër 6%. Zyra kombëtare e Statistikave theksoi se fatura e energjisë e familjeve ishte nxitësi më i madh io inflacionit, pas heqjes së një tavani rregullator mbi faturën në muajin e kaluar, ndërkohë që çmimi i gazit i paguar nga konsumatorët është rritur me 28.1% në Tetor me bazë vjetore.

Furnitorët e energjisë në Britani, po përballen me rritje të çmimeve me shumicë që kanë sjellë një kolaps të kompanive të energjisë.  Banka e Anglisë, që ka objektiv për inflacionin në 2%, ka bërë të ditur se kostot më të mëdha të huamarrjes nuk mund të bëjnë asgjë për të influencuar çmimet e energjisë, por që inflacioni i lartë mund të cënojë besueshmërinë në sytë e publikut.   Banka e Anglisë pritet të bëhet e para bankë qendrore në një ekonomi të madhe që rrit normën e interesit që kur pandemia goditi botën, me investitorët që e presin këtë në takiminin e 16 Dhjetorit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.