Britani, kreditë e konsumatorëve rriten me normën më të ngadaltë në 5 vite, gjatë Gushtit

Bankat britanike kanë rritur huadhënien drejt konsumatorëve në muajin Gusht me normën më të ngadaltë në të paktën 5 vite, tregojnë të dhënat e industrisë.

Kjo vjen një ditë përpara paralajmërimit të Bankës së Anglisë se institucionet e nivelit të dytë duhet të rrisin mbrojtjen me kapital kundër humbjeve nga kredia kosumatore.

Huadhëia e bankave të mëdha britanike drejt konsumatorëve u rrit me një normë vjetore prej 1.5% në Gusht, duke u ngadalësuar nga 1.9% që ishte në Korrik.

Pavarësisht elasticitetit të shpenzimeve konsumatore, rritja vjetore e kreditit konusmator është ngadalësuar në muajt e fundit. Sipas të dhënave të UK Finance, huadhënësit kanë miratuar 47,807 kredi hipotekore muajin e kaluar, në rritje të lehtë nga 41,644 në Korrik dhe 11% sipër të dhënave të muajit Gusht 2016.

Ekonomia e Britanisë u ngadalësua bindshëm në gjysmën e parë të këtij viti, ndërkohë që rritja e nivelit të çmimeve shkaktoi rënien e shpenzimeve konsumatore.

Huadhënia përmes kartave të kreditit u rrit me 83 milionë paund në muajin Gusht, që është performance më e dobët që prej Dhjetorit të vitit të kaluar, raporton UK Finance.

Të dhëna të tjerë më përgjithshme nga Banka e Anglisë mbi huamarrjen, priten më vonë gjatë javës.

Banka e Anglisë bëri të ditur se bankat britanike kanë nënvlerësuar rreziqet nga dhënia e kredive drejt konsumatorëve dhe duhet të shtojnë mbrojtjen me kapital me një vlerë shtesë prej 10 miliardë paund, kudër rrezikut të humbjeve të mëvonshme.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.