Britania do të rrisë shpenzimet në shëndetësi – Planifikon një paketë prej 8.1 mld USD për të rritur kapacitetin e NHS
Ministri britanik i financave, Rishi Sunak, ka lajmëruar se do shpenzohen 6 miliardë paund të tjera në shërbimin shëndetësor, për 5 vitet e ardhshme. Kjo shifër vjen sipër paketës prej 8 miliardë paund të lajmëruar në Shtator për të trajtuar problemet e ndërtuara si pasojë e pandemisë së Covid-19, sipas një deklarate të Ministrisë së Financave.
Shpenzimet synojnë të rrisin aktivitetet rutinë tek Shërbimi Kombëtar i Shëndetësisë, si skanimet dhe procedurat jo emergjencë, me 30% deri në vitin 2025. Paketa përbëhet nga 2.3 miliardë paund për shërbime të testimit, 2.1 miliardë paund për të përmirësuar teknologjinë e shërbimit shëndetësorë dhe 1.5 miliardë paund për të rritur kapacitetin e shtretërve.
“Ky është një investim tejet i rëndësishëm tek Shërbimi Kombëtar Shëndetësor, për t’u siguruar se kemi pajisjet, ndërtesat dhe sistemet e duhura, për t’i dhënë pacientëve ndihmën që i nevojitet si dhe për t’u siguruar se Institucionet janë të përgatitura për të ardhmen”- deklaroi ministri Sunak. Qeveria deklaroi më parë se buxheti, që do publikohet këtë javë, do përfshijë 5 miliardë paund për të financuar hulumtimet në shëndetësi dhe 3 miliardë paund për shëndetësinë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.