Britania humbet vrull – Ekonomia rishikohet në rënie, Banka e Anglisë pritet të ndërhyjë
Ekonomia e Britanisë regjistroi normën më të ulët vjetore të rritjes që prej 2013-ës gjatë tremujorit të dytë dhe sektori gjigant i shërbimeve u ngadalësua në muajin Korrik.
Të dhënat zyrtare treguan se rritja e Produktit të Brendshëm Bruto me bazë vjetore u ngadalësua në 1.5% gjatë tremujorit, nga 1.8% që ishte në të parin.
Norma me bazë tremujore mbeti e pandryshuar në 0.3%, raporton Zyra Kombëtare e Statistikave. Megjithatë, kishte detaje pozitive në përbërjen e të dhënave, për shkak të kontributeve më të mëdha nga investimet e bizneseve dhe eksporteve, se sa u vlerësua më parë.
Të dhënat e Korrikut për sektorin e shërbimeve, që përbën për 80% të ekonomisë, treguan një rënie me 0.2% për muajin, pas rritjes me 0.3% në Qershor.
Pas rritjes së fortë në 2016-ën, ekonomia e Britanisë ka mbetur mbrapa homologëve deri më tani për vitin, ndërkohë që efekti i zhvlerësimit të valutës që prej referendumit po jep ndikimin te konsumi.
Rritja e Produktit të Brendshëm Bruto në gjysmën e parë të 2017-ës rezultoi në normën më të ngadaltë që prej vitit 2012. Deficiti i llogarisë u rrit me 4.6% në tremujorin e dytë, apo 23.18 miliardë paund, krahasuar me 4,4% në të parin.
Guvernatori i Bankës së Anglisë Mark Carney tha gjatë ditës së fundit të kësaj jave se pret që normat e interesit të rriten në muajt që vijnë, për ti bërë ballë rritjes së çmimit të konsumatorëve që pritet të kalojë 3%-shin në Tetor.
Shumica e ekonomistëve presin që Banka e Anglisë të rrisë normën bazë të interesit në 0.5% nga 0.25%, në takimin e 2 Nëntorit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.