Britania lejon qëndrimin e emigrantëve në vend edhe nëse vizat e tyre skadojnë

Britania ka një numër të madh të emigrantëve nga shtete të ndryshme të cilët punojnë dhe jetojnë në këtë vend. Përveç pasojave më të gjera ekonomike të pandemisë, e drejta e shumë emigrantëve për të qëndruar në Britaninë e Madhe mund të jetë në rrezik nëse ata humbasin punën e tyre. Kjo është për shkak se çdo vit, më shumë se 100,000 njerëz marrin një vizë pune e quajtur “Niveli 2”, ku shumica e tyre vijnë nga vende të varfëra.

Pas udhëzimeve të lëshuara muajin e kaluar, Zyra e Brendshme ka thënë për Quartz se nuk do të ketë asnjë ‘ndëshkim’ nëse viza e tyre skadon pas 24 janarit, dhe ata nuk janë në gjendje të largohen për shkak të bllokimeve ose të izolimit të vetvetes. Përjashtimet zgjasin deri më 31 maj, por mund të shtrihen më tej, dhe është krijuar një ndihmë e përkushtuar për ata që kanë nevojë.

Instituti për Kërkime Sociale dhe Ekonomike, në Universitetin e Essex, ka paralajmëruar se rreth një e katërta e punëve në Mbretërinë e Bashkuar mund të humbasin punën për shkak të koronavirusit.

Sipas rregullave ekzistuese, punëtorët emigrantë do të duhet të largohen nga vendi brenda 60 ditëve nëse nuk punojnë më. Kjo vlen për ata që kanë kaluar më pak se pesë vjet në Mbretërinë e Bashkuar. Pas kësaj, ata bëhen të ligjshëm për qëndrim të përhershëm.

Për të marrë një vizë të nivelit të parë në radhë të parë, ata duhet të punojnë në një kompani që është e regjistruar për të siguruar punëtorë të kualifikuar, nga të cilët ka rreth 31,000 nga më shumë se 4 milion në Mbretërinë e Bashkuar. Ata zakonisht duhet të fitojnë mbi 30,000 £ në vit, dhe punëdhënësi i tyre duhet t’i tregojë qeverisë se asnjë Britanik nuk mund të bëjë punën e tyre. (Quartz)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.