“Britania nuk do devijojë nga planet” / Ministri i shëndetësisë ka besim për heqjen e masave të Covid më 19 Korrik
Qeveria britanike ka besim tek planet e heqjes së më shumë masave të kufizimeve të Covid më 19 Korrik në Angli, por veshja e maskave në ambientet e brendshme pritet të vazhdojë, sipas ministrit të vaksinës, Nadhim Zahawi. Kryeministri Boris Johnson detajoi propozimet më herët gajtë Javës për të hequr disa rregulla mbi veshjen e maskave, kontaktit social dhe udhëzimeve për të punuar nga shtëpia. Disa shkencëtarë dhe kritikë të qeverisë kanë shprehur shqetësime mbi heqjen e masave të kufizimeve përballë rritjes së infeksioneve me Covid, kryesisht nga varianti Delta. Qeveria ka argumentuar se norma e lartë e vaksinimit në Britani ka bërë që lidhja mes infeksioneve dhe sëmundjes serioze apo vdekjes, është thyer. “Kam besim se mund të vazhdojmë me hapin 4”- tha Zahawi.
“Është e rëndësishme që të jemi të kujdesshëm me udhëzimet që do publikojmë dhe njerëzit duhet të presin vendosjen e maskave në ambientet e mbyllura”- shtoi ai.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.